Fuafuaga o vaega e sefulu

O le a faia se faiga faavae tau aoaoga i matātā eseese e atoatoa ona faaaofia ai le tāua o tagata e iai manaoga faapitoa o auai i aoaoga e auala atu i faiga nei:

 

Tasi

Faatino matafaioi e aufaigaluega i vaega uma tau galuega auā le saunia o lagolagosua i aoaoga mo tagata e iai manaoga faapitoa o auai i aoaoga.

Lua

Atiae se faiga faavae lautele e lagolagoina tagata e iai manaoga faapitoa o auai i aoaoga. E aofia ai taiala, metotia ma faiga masani e faaaofia uma ai tagata, ma ua faamaonia e taitai sinia ina ia aveesea ai mea o fai ma faalavelave i totonu o le siosiomaga o a‘oa‘o ai. A faaletonu le siosiomaga o a‘oa‘oina ai e faapena foi ona 'faigata' tulaga e feagai ai ma tagata e iai manaoga faapitoa.

Tolu

Saunia atinae e mafai ai e aufaigaluega uma ona maua le lagona 'faatuatuaina i manaoga faapitoa' ma e faafaigofie ai le faatinoga o aoaoga atoa ai ma le lagolagosua o faatino e isi aufaigaluega mo tagata e iai manaoga faapitoa o auai i aoaoga. Mo se faataitaiga, metotia mo le saunia o auala e faigofie ai ona maua faamaumauga o se mataupu na saunoa i ai se faiaoga, faatulaga le faiga o suesuega, suega ma isi suesuega.

Fā

Saunia punaoa mo le disability support staff (DSS) e fesoasoani i auala o a‘oa‘o atu ai ma isi aufaigaluega i le faatinoga o faiga e faaaofia uma ai tagata. O faiga nei o le a mafai ai e le aufaigaluega DSS ona taulai i le tuuina atu o le lagolagosua i tagata e iai manaoga faapitoa o auai i aoaoga e sili atu ona lavelave manaoga. E lē tatau ona faamoemoe i le aufaigaluega DSS e tuuina atu le lagolagosua i tagata e iai manaoga faapitoa o auai i aoaoga.

Lima

Galulue faapaaga ma tagata e iai manaoga faapitoa o auai i aoaoga ma e eseese faaletonu o le tino ma le mafaufau e saunia ma faavae faiga e faamalosia ai le auai o se sui o tamaiti aoga e iai manaoga faapitoa i asosi a tamaiti aoga ma vasega o tagata.

Ono

Atiae se faiga faavae lautele i aoaoga ma punaoa e atiae ai le 'faatuatuaina i manaoga faapitoa' o le aufaigaluega uma o aofia i galuega e lagolagoina ai tagata e iai manaoga faapitoa o auai i aoaoga. E tatau i le faiga faavae lenei ona aofia ai auala e faigofie ai ona maua faamatalaga, fesootai atu ai ma lagolagosua i aoaoga mo tagata e eseese manaoga faapitoa o auai i aoaoga. Ia auai tagata e iai manaoga faapitoa o auai i aoaoga e atiae faatasi polokalame tau aoaoga ma punaoa e taulai i faiga e faaaofia uma ai tagata.

Fitu

Saunia taiala ma aoaoga i le faaaogāina o faiga e lē aliae ai ni faiga faailoga tagata. E mafai i le aufaigaluega uma ona auai i faiga e lagolagoina ai tagata e iai manaoga faapitoa o auai i aoaoga ma e tatau ona malamalama atoatoa i aiaiga faaletulafono i lalo o le Human Rights and Privacy Act, Code of Health and Disability Services Consumers‘ Rights ma isi tulafono faatonutonu talafeagai.

Valu

Faaaogā le Principles of Universal Design in Education (UDL) i faiga uma e saunia ai mataupu, mataupu aoaoina, faataunuu, suesuega, metotia e lagolagoina ai taumafaiga i aoaoga, faiga e faasoa ai faamatalaga ma fesootaiga faapea ai ma le fausaga o fale ma auala e faigofie ona feoai ai. O le sini autu na faavae ai le UDL ia mafai ona fetuunai faiga o lagolagoina ai taumafaiga i aoaoga (talafeagai ona fetuunai) i faiga uma o a‘oa‘o atu ai, vasega, aoaoga i totonu o galuega, tafaoga a aoga, suesuega, suega ma isi suesuega. E tatau ona manatu i le eseese o faaletonu i le tino ma le mafaufau o tagata e iai manaoga faapitoa ma tuuina atu avanoa e mafai ai ona ausia taumafaiga i aoaoga.

Iva

Toe iloilo ma auiliili taunuuga ma tulaga o faamalieina ai tagata e iai manaoga faapitoa o auai i aoaoga i se faiga e toe iloilo, toe tomanatu ma tali atu ai. E tatau ona faia tulaga nei i le atunuu atoa ma totonu o lotoifale taitasi.

Sefulu

Ia faia se fuafuaga ma le faamoemoe o le a faatuputupulaia le toatele o tagata e iai manaoga faapitoa o auai i aoaoga. E tatau i faiga uma o saunia ai fuafuaga ona atagia ai lagolagosua o moomia e lagolagoina ai taumafaiga i aoaoga mo tagata e iai manaoga faapitoa, o le a auai i aoaoga e eseese faaletonu i le tino ma le mafaufau, nai lo le faatalitali seia auai muamua.